16 нчы мәктәп сәхнәсендә яшь патриотлар иҗаты

Фестивальдә мәктәпкәчә учреждениеләрдә тәрбияләнүчеләрнең иҗат коллективлары, Приют мәктәпләре һәм Бәләбәйдән сәламәтлек мөмкинлекләре чикле  балалар өчен коррекцион  мәктәбе укучылары катнаштылар.

Конкурс программасы башында сәламләү сүзе белән БРның атказанган артисты, БР Дәүләт Җыелышы – Корылтай депутаты Рамил Бадамшин чыгыш ясады. Ул билгеләп үткәнчә, сугыш еллары җырлары – Бөек Русия мәдәнияте һәм тарихының аерылгысыз өлеше. Алар ата-бабаларыбызның батырлыклары белән горурлану хисе тудыра.

Иҗат коллективлары хәрби-патриотик җырларны сәхнәләштереп чыгыш ясады. Бу фестивальдә катнашучыларга музыкаль әсәрләрне башкару белән бергә  тарихны сәнгать образлары һәм куелышлары аша тоярга  мөмкинлек бирде.

Жюри вокаль башкару дәрәҗәсен, чыгышның эмоциональлеген, сәхнә образларының бердәмлеген һәм театральләштерү сыйфатын бәяләде.

Беренче урынны  35 нче "Теремок"  балалар бакчасының 10 нчы һәм 12 нче төркеме   тәрбияләнүчеләре алды. Тәрбиячеләр О.Н. Лоренцева, Е. И. Лоренцева, Э. Р. Ярбекова, А. Х. Ибраһимова һәм К. В. Хәйруллина җитәкчелегендә балалар Наталья һәм Виталий Осошникның «А закаты алые» җырын әзерләгәннәр.

Жюри әгъзалары Диплом һәм җиңүчеләр кубогы тапшырып,  балалар коллективын һәм аларның педагогларын ихлас котладылар.

Чара азагында күрсәткән талантлары өчен фестивальдә катнашучыларның барысы да лаеклы бүләкләр, рәхмәт хатлары алдылар.

Алсу Фәизова әзерләде.

Фотолар Н. В. Трофимовтан.