Ул донъяны күреү бәхете бирә!

Редакция тормошо шулай ҡоролған, бында рәсми мәғлүмәт кенә түгел, халыҡ араһында йөрөгән хәбәрҙәр ҙә килеп ирешә. Кешеләр яҙа, шылтырата, хәл-ваҡиғаларын һөйләй, ярҙам күрһәткәндәре өсөн рәхмәт белдерә, һөнәри бурыстарын намыҫ менән үтәгән бәләбәйҙәрҙең исем-шәрифтәрен атай.

Уҙған йылда редакция коллегияһы беҙҙең райондың социаль-иҡтисади үҫешенә тос өлөш индергән бер кешеһенә йыл һайын “Йәмәғәтселек таныуы” исемен биреү тәҡдиме менән сыҡҡайны. Һуңғы йылдарҙа юғары категориялы врач-офтальмолог, Башҡортостан Республикаһының атҡаҙанған врачы Олег Константинович Диреевтың адресына рәхмәт һүҙҙәре менән мөрәжәғәттәр күп булды. Ул кешеләргә донъяны күреү мөмкинлеген ҡайтара! “БХ” версияһы буйынса “Йәмәғәтселек таныуы” исеме Олег Диреевҡа бирелә. Ҡотлайбыҙ!