“Китап бәйрәме” – өченче тапкыр

Быел 23-25 майда Уфаның Совет мәйданында янә “Китап бәйрәме” оештырыла. Бу юлы фестиваль программасы Бөек Ватан сугышында Җиңүнең 80 еллыгына һәм СВО геройларына багышлана, дип җавап бирде Радий Хәбиров “Ирләрчә сөйләшү” республика профильле сменасында катнашучының соравына. Матур бәйрәмгә әйләнгән “Китап бәйрәме” өченче тапкыр үткәрелә.

“Ә 29 майдан 1 июньгә кадәр без “Әйдә уйнарга” фестивален оештырабыз. Шулай ук быел җәй Совет мәйданы “Геройлар дәвере” патриотик җыр фестивален уздыру  урынына әверелә, көз көне барсын да “Көз романтикасы” классик җыр фестивалендә көтәбез”, – диде Радий Хәбиров.

Фото:Олег Яровиков / «Башинформ» агентлыгы архивы