Башкортстан яңа ФАПларга 3,5 млрд сум акча алачак

Башкортстан 2025-2027 елларда сәламәтлек саклауның беренчел звеносын модернизацияләү төбәк проектларына, Русия Хөкүмәтенең нәшер ителгән боерыгы нигезендә, 3,5 млрд сум алачак.

 Элегрәк Башкортстан башлыгы республика Федераль сәламәтлек саклау министрлыгының бу мәсьәлә буенча карарын көтә, дип искәртте, бу зур сумма һәм зур эш күләме булачак, дип билгеләп үтте. "Барысын да сыйфатлы һәм тиз тормышка ашырырга, төзергә кирәк булачак. Шуңа күрә зур эшкә әзерләнәбез", - диде Радий Хәбиров.

Башкортстанга иң зур субсидияләрнең берсе бирелде. 4,44 млрд сумны Краснодар крае, 4,61 млрд сумны Мәскәү өлкәсе алачак. 3,8 млрд күрше Свердловск өлкәсенә, 3,1 млрд Чиләбегә юнәлдерелә.

Республикада барлыгы 2 меңләп фельдшер-акушерлык пункты бар. Бүгенге көндә 608 заманча модуль конструкцияләр белән алыштырылган, һәм бу эш тагын ике ел дәвам итәчәк. Агымдагы елда 134 пункт яңартылган, 2030 елга кадәр барлыгы 400 ФАПны алыштыру планлаштырылган.

Фото: БР сәламәтлек саклау министрлыгы