"Һөнәрдә беренчеләр”: полицейскийлардан батырлык дәресе

Үсеп килүче буында полиция һөнәренә хөрмәт тәрбияләү һәм гражданнарның иминлеге өчен үз гомерләрен биргән кешеләрне искә алу чарасы бик җылы  узды. Балалар алдында үз эше осталары, тормышлары эчке эшләр органнарында хезмәт итү белән тыгыз бәйләнгән кешеләр чыгыш ясады.

Җыелучыларга сәламләү сүзе белән Россия Эчке эшләр министрлыгының Бәләбәй районы буенча бүлеге начальнигы урынбасары – шәхси состав белән эшләү бүлеге начальнигы, полиция подполковнигы Юрий Петров мөрәҗәгать итте. Ул полициядә хезмәтнең әһәмияте, хезмәткәрләр көн саен очраша торган чакырулар һәм аларның җилкәләрендә яткан җаваплылык турында сөйләде. Юрий Владимирович ассызыклаганча, полиция хезмәткәре һөнәре-ул эш кенә түгел, ә батырлык, фидакарьлек һәм бурычка тугрылык таләп итә торган бурыч.

Эчке эшләр министрлыгының ветераннар советы рәисе Григорий Васильевның истәлекләре укучыларда һәм студентларда аеруча кызыксыну уятты. Ул үзенең бай хезмәт тәҗрибәсе белән уртаклашты, хезмәттәшләренең батырлыклары, хезмәттә  авырлыклар һәм шатлыклар турында сөйләде. Ветеранның сөйләгәннәре  яшьләргә полиция хезмәтенең асылын яхшырак аңларга һәм буыннар бәйләнешен тоярга ярдәм итте.

Отставкадагы милиция подполковнигы Петр Голубков үз фикерләре һәм теләкләре белән уртаклашты. Аның зирәклек һәм тормыш тәҗрибәсе белән тулы сүзләре булачак хокук тәртибен яклаучылар өчен кыйммәтле сабак булды.

Русия Эчке эшләр министрлыгының Бәләбәй районы буенча бүлеге музеена экскурсия аеруча  тәэсирле булды. Балалар  район полиция бүлегенең оешуы һәм үсеше, аның хезмәткәрләренең батырлыклары турында сөйләүче экспонатларны күрделәр

– Мондый чаралар яшьләрнең гражданлык позициясен формалаштыруда, илсөярлек, Ватанга хезмәт итүгә гомерләрен багышлаган кешеләргә хөрмәт тәрбияләүдә бәяләп бетергесез роль уйный, – дип саный “Беренчеләр хәрәкәте” нең урындагы бүлекчәсе рәисе Тамара Буняева. – Ветераннар һәм бүгенге  полиция хезмәткәрләре белән очрашу –  балалар өчен танып белү вакыйгасы гына түгел, ә чын кыйммәтләрне аңлау һәм тормыш юлын сайлау юлында мөһим адым да.

Регина Иванова. Фотолар Г. Хикамовадан.