Бәләбәйдә хезмәткә чакырылучыларны озаталар

Якын арада Бәләбәй районыннан тугыз яшь егет Ватан алдында бурычын түләр өчен  хезмәткә китәчәк. Бу тантана көнендә төрле оешма һәм ведомство вәкилләре булачак солдатларга үгет-нәсыйхәт сүзләре белән чыгыш ясады.

Социаль үсеш идарәсе начальнигы Фидалия Халикова, Бәләбәй шәһәре, Бәләбәй һәм Ярмәкәй районнары хәрби комиссариатының чакырылыш бүлеге начальнигы Салават Нәфыйков, район ветераннар советы рәисе Александр Буйлов, махсус хәрби операциядә катнашучы Вячеслав Хәйдаров һәм изге Никольский чиркәве руханиы, собор клиригы, иерей Дмитрий Айдыбаев хәрби хезмәткә чакырылучыларга һәм аларның әти-әниләренә яхшы һәм мөһим сүзләр белән мөрәҗәгать иттеләр.

 Бәләбәй артистлары чарада катнашучылар өчен мәдәни һәм концерт программасы әзерләделәр. Бәйрәм, бердәмлек халәте тудырып, тематик мәйданчыклар эшләде.

Алсу Фәизова.

Елена Петрова фотолары