“Бәләбәй " технопаркы эшли башлаячак

Тема буенча фикер алышуда депутатлар, тармак министрлыклары һәм ведомстволары, республика муниципаль берәмлекләре хакимиятләре вәкилләре, предприятиеләр һәм сәнәгать инфраструктурасының комплекслы объектлары җитәкчеләре, галимнәр катнашты.

Республика вице –премьеры – сәнәгать, энергетика һәм инновацияләр министры Александр Шельдяев төбәктә гамәлгә ашырылачак яңа проектлар турында мәгълүмат бирде. Әйтик, республика территориясендә 5,2 млрд сумлык “Бәләбәй” технопаркы һәм 2030 елга 475 яңа эш урыны булдыру һәм 12 резидент кертү планлаштырылган “Промышленный” шәхси индустриаль паркы эшли башлаячак, диелде.

Бүген республикада 12 индустриаль һәм 19 технопарк теркәлгән – 2019 елдан аларның саны дүрт тапкырга арткан. Башкортстан Русиядә кластерларны үстерү буенча абсолют лидер булып тора, машина төзелеше сәнәгате, урман сәнәгате, балалар товарлары һәм уенчыклар җитештерүчеләр кластерын, медицина һәм фармацевтика сәнәгате кластерын, агросәнәгать һәм башкаларны да кертеп, алар бездә  25, дип хәбәр итте «Башинформ»мәгълүмат агентлыгы.

Римма Солтанова әзерләде