Приютта яшәүче наркотиклар сатып алган һәм саклаган өчен хөкем ителгән

2025 елның октябрендә 37 яшьлек ир-ат интернет-кибеттә наркотикларга заказ биргән. Ул “тайник-закладка” адресы белән фотосурәт ала һәм Бәләбәйгә китә, анда тыелган матдә — α-пирролидиновалерофенон (PVP), N-метилэфедрон кушылмасы салынган пакетны таба һәм алып китә. Наркотикның авырлыгы 0,993 грамм тәшкил иткән. Ир-ат аны полиция тоткарлаганчы джинсы кесәсендә саклаган.

Русия Эчке эшләр министрлыгының Бәләбәй районы буенча бүлеге хезмәткәрләре аның хокукка каршы эшчәнлеген туктаткан. Понятойлар барында ул «тайник-закладка»тапкан урынны күрсәткән.

Гаепләнүче гаебен таныган һәм үкенүен белдергән. Суд аны РФ Җинаять Кодексының 228 маддәсе 1 өлеше буенча гаепле дип таныган һәм 15 000 сум күләмендә штраф билгелгән. Ул наркотикларга заказ биргән кәрәзле телефон тартып алынган һәм дәүләт милкенә әйләндерелгән.

Бәләбәй шәһәр суды матбугат хезмәте мәгълүматы буенча Регина Иванова әзерләде.