Милли проектлар. Сәламәтлек саклау

Башкортстан Хөкүмәте утырышында төбәк Премьер-министры Андрей Назаров җитәкчелегендә медицина оешмаларын кадрлар белән тәэмин итү мәсьәләләре буенча фикер алыштылар.

- Сәламәтлек саклау учреждениеләрен кадрлар белән тәэмин итү көнүзәк  проблема булып тора һәм безнең өчен һәрвакыт беренчел бурыч булып кала. Аны милли һәм федераль проектлар кысаларында хәл итәбез. "Земский доктор" һәм "Земский фельдшер" программалары нигезендә 259 медицина хезмәткәре 280 млн сумлык ярдәм алды. Алар арасында 107 табибка  1,5 млн сум, 53 табибка  – 1 млн сум, шулай ук урта медицина хезмәткәрләренә – 500 һәм 750 мең сум түләнгән, – дип билгеләп үтте Башкортстан Хөкүмәте Премьер-министры Андрей Назаров.

БР сәламәтлек саклау министрының беренче урынбасары Роберт Иштуков хәбәр иткәнчә, 2026 елга "Земский доктор/Земский фельдшер" федераль программасы буенча 126 медицина хезмәткәренә гомуми суммасы 141,8 млн сум, "Земский фельдшер" төбәк программасы буенча 33 фельдшерга гомуми суммасы 16,5 млн сумлык  500 мең сум түләү планлаштырылган.

Спикер хәбәр иткәнчә, урыннарда табибларны җәлеп итүдә һәм тотып калуда белгечләрне максатчан әзерләү зур роль уйный. БР сәламәтлек саклау министрлыгы ел саен студентларны максатчан укытуга килешүләр төзүне дәвам итә. 2025 елда 907 килешү төзелгән. 2025 елда 3 667 кеше 20 млн сумнан артык акча алган.

Медицина хезмәткәрләрен торак белән тәэмин итү "Озак һәм актив тормыш" илкүләм проектының "Медицина кадрлары" төбәк проектының мөһим чарасы булып тора, бу чарага ирешүдә муниципалитетларның актив катнашуы төп роль уйный. Бу яшь белгечләрне медицина оешмаларына беркетүнең мөһим факторы.

Башкортстан Республикасы муниципаль берәмлекләре һәм шәһәр округлары территорияләрендә 2025 елда урта медицина белеме булган 89 табиб һәм 83 медицина хезмәткәре торак урыннары белән тәэмин ителгән. Шул исәптән Бәләбәй районында медицина хезмәткәрләре гаиләләренә наем шартнамәләре буенча 5 фатир бирелгән.

Бүгенге көндә республикада торак шартларын яхшыртуга мохтаҗ табиблар саны 372 кеше тәшкил итә, урта медицина персоналы саны – 421 кеше.

Андрей Назаров сәламәтлек саклау министрлыгына муниципаль берәмлекләр хакимиятләре белән берлектә медицина хезмәткәрләренә район һәм шәһәр хастаханәләренә эшкә урнашканда торак бирүне тәэмин итәргә кушты.

Светлана Шириня әзерләде.

Фото: РБК-Уфа