Ветераннар яшьләргә үрнәк күрсәтә

– Ветераннар советы эшчәнлегенең төп юнәлеше - пенсионерларны актив җәмәгать тормышына җәлеп итү. Шул ук вакытта төп бурыч – сугыш ветераннары, сугыш хәрәкәтләре ветераннары, махсус хәрби операциядә катнашучылар һәм аларның гаилә әгъзалары турында кайгырту, – дип ассызыклады Александр Сергеевич.

Район пенсионерлары һәм ветераннарының гуманитар конвойлар оештыруда, Җиңүнең 80 еллыгына һәм Ватанны саклаучылар елына багышланган чаралар үткәрүдә зур хезмәтләре билгеләп үтелде.

Өлкәннәрнең волонтерлыкта, яшьләрдә патриотизм тәрбияләүдә, шулай ук мәдәни, спорт һәм туристлык чараларында катнашуы аларның актив озын гомерле булуына ярдәм итә.

Пленум эшендә МР Советы рәисе Сергей Лущиц катнашты. Ул Бәләбәй районы хакимияте башлыгы Азат Сәхабиев исеменнән ветераннарга күпьеллык хезмәтләре һәм туган якны үстерүгә керткән зур өлешләре өчен рәхмәт белдерде, шулай ук агымдагы эшләр, ирешелгән нәтиҗәләр һәм алда торган бурычлар турында сөйләде.

Чакырылучылар арасында шәһәр һәм авыл биләмәләре башлыклары, көч структуралары ветераннары, активистлар бар иде.

Светлана Прокофьева.

Автор фотолары