Малларны кышлату уңышлы үтте

– Бүгенге көндә төбәкнең авыл хуҗалыгы предприятиеләре фермаларында 3325 баш мөгезле эре терлек бар, шул исәптән 1484 се баш сыер. 1 апрельгә 1255 тонна сөт җитештерелгән, – дип хәбәр итә Бәләбәй хакимиятенең авыл хуҗалыгы хезмәте. – Терлекчелектәге яхшы нәтиҗәләр – ул авыл хуҗалыгы хезмәткәрләренең тырыш хезмәте. Терлекчеләр малларның тәрбия шартларына һәм аларның туклану рационына тиешле игътибар бирә.

Кышкылыкка 6850 тонна печән, 18 875 тонна сенаж һәм 7 408 тонна силос әзерләнгән булган. Хәзерге вакытта авыл хуҗалыгы фермаларында күпләп сыерлар бозаулый торган мәл. Бу чорда терлекчеләрнең төп бурычы – токымны саклап калуны тәэмин итү, терлек санының кимүенә юл куймау һәм шулай ук сөт һәм ит җитештерү йөкләмәсен арттыру беренче планда тора.

Римма Солтанова әзерләде.
Фотолар БИ архивыннан