"Татарка" легендасы

 Ира Баязитова 1941 елның 4 ноябрендә сугышның иң дәһшәтле һәм авыр вакытында Чакмагыш районының Иске Калмаш авылында туа. Колхозчы Фатыйма Сәхибгәрәй кызы белән авыл укытучысы Солтан Гыйлемҗан улы Сакаевлар гаиләсендә алтынчы бала була.

Кыз яхшы укый, колхозда да, хуҗалыкта да әти-әнисенә ярдәмче була. Мәктәпне тәмамлагач, Уфаның сәүдә-кулинария училищесына укырга керә. Аны отличие белән тәмамлап, туганнары чакыруы буенча 1960 елда Бәләбәйгә килә, шәһәр кибетләренең берсендә стажировкадан соң «татарка» микрорайонының 22 нче кибете мөдире итеп билгеләнә һәм 2006 елга кадәр шунда эшли.

Ира Баязитова, кияүгә чыгып, ире Галимҗан белән ике бала: улы Гамил һәм кызы Әлфияне үстерә, алар да әниләре эзеннән киттеләр.

Ира Солтан кызы үз эшен бик яратты, сатып алучыларына зур хөрмәт белән карады, аларның ихтыяҗларын, теләкләрен даими өйрәнде, үз «курмышын» барлык кирәкле ассортимент белән тәэмин итәргә тырышты. Һәм аның бердәм коллективы һәрвакыт һәм һәрнәрсәдә ышанычлы терәк булды.

Һич арттырмыйча, ул еллардагы «татарка» ның барлык халкы диярлек үз «легендасын»хәтерли дип әйтергә була. Ул һәркемнең исемен, кем һәм нәрсә белән яшәгәнен  белә, яшьләрне үзенчә тәрбияли иде. Зур булмаган, күмер белән җылытыла торган кибеттә бөтен азык-төлек ассортиментын диярлек сатып алып булган вакытларны искә алып,  аның турында зур хөрмәт һәм рәхмәт белән сөйлиләр.

Хезмәте өчен ул «Совет сәүдәсе отличнигы» исемен алды, күп кенә мактау билгеләренә һәм бүләкләргә лаек булды. Шулай да аның өчен төп бүләк   халыкның ихтирамы һәм мәхәббәте булды.

Кибет 21 гасыр башында «Башспирт»җәмгыяте  составына кереп алга таба үсеш ала. Безнең легенда зур эш тәҗрибәсе белән, инде пенсиягә чыккач та, фирма сәүдәсенең яшь буынына үзенең һөнәри белемнәрен өйрәтте һәм уртаклашты.

Тормышының соңгы елларында Ира Солтановна эш белән яшәвен дәвам итте, йөрәгенә кадерле сатучы кызларның һәм микрорайонның рәхмәтле сатып алучыларының алтын командасын искә төшерде.

Аның белән 60 ел яшәгән ире, кызганычка каршы, 2025 елда бакыйлыкка күчкән. Ә иң кадерле, иң кадерле балалары, оныклары аның янында булудан бер генә минутка да туктамадылар, бергә мәңгелек югалту кичерделәр.

Истәлекле мәкалә автор дашыЭ.Р. Әбдразаков гаиләбезнең кайгычын уртаклашты.

Тормышыбыздагы иң кадерле кешебезне соңгы юлга озатышкан барлык туганнарга, дуслар, күршеләр, хезмәттәшләргә рәхмәтебезне белдерәбез.

Кадерле әниебез турында якты истәлек йөрәкләребездә яшәр.