Заман таләпләренә җавап биреп

Пленар утырышны ачып, Башкортстан Башлыгы Радий Хәбиров журналистларны Республика матбугат һәм мәгълүмат хезмәткәрләре көне белән котлады. Ул хәзерге вакытта алар эшенең мөһимлеген ассызыклады:

"Аңлагыз, сез әле чын сугышчылар да. Нигәме? Чөнки сугыш бара. Иң чын, иң авыр. Сугыш күп планлы. Төп бурычларның берсе

 – мәгълүмати сугышта каршы тору һәм каршылык күрсәтү»

Пленар утырыш һәм тематик секцияләр кысаларында катнашучылар заманча журналистиканың төп мәсьәләләре турында фикер алыштылар. "Барысы да җиңү өчен!» (бу фраза форумның төп темасы булды) секциясендә СВО шартларында җәмгыятьне мобилизацияләү, патриотик тәрбия, тискәре мәгълүматка каршы тору һәм хәрбиләр эше турында сөйләделәр.

Мәгълүмати хәвефсезлек буенча мәйданчыкта яшьләрне интернеттагы деструктив йогынтыдан саклау һәм экстремизмга каршы тору ысулларын карадылар. Аерым секция ясалма интеллектка багышланган иде: экспертлар яңа технологияләрнең контент булдырырга, мәгълүмат белән эшләргә һәм аудитория белән нәтиҗәлерәк хезмәттәшлек итәргә ничек ярдәм итүен  сөйләделәр.

Башкортстан журналистларын бүләкләү тантанасы форумның якты мизгеле булды. Медиасфераны үстерүдәге казанышлары һәм җәмәгатьчелек фикерен булдыруга керткән өлешләре өчен массакүләм мәгълүмат чаралары вәкилләре югары бүләкләр алдылар: Салават Юлаев ордены, «Матбугатның алтын фонды-2026» отличие билгесе һәм Русия Федерациясе Журналистлар берлеге бүләкләре.

«Медиайын» форумы юбилейлы – бишенчесе булды. Быел төбәкнең күп кенә  массакүләм мәгълүмат чаралары да түгәрәк даталарын билгеләп үтә: «Башинформ» мәгълүмат агентлыгы 30 еллыгын, ә «Спутник ФМ» радиостанциясе һәм БСТ телеканалы чирек гасырлык юбилеен билгели..

Чарада катнашу Бәләбәй журналистлары өчен кыйммәтле һөнәри тәҗрибә алу мөмкинлеге  булды. Без медиасфераның заманча юнәлешләре белән таныштык, контент һәм аудитория белән эшләүгә яңа алымнар үзләштердек, яи-технологияләрне журналистикада куллану мөмкинлекләрен белдек.

Башка муниципалитетлардагы хезмәттәшләр белән тәҗрибә уртаклашу да бик мөһим булып чыкты.  Аралашу төбәк массакүләм мәгълүмат чараларының иң яхшы тәҗрибәләрен  белергә, фикер алышырга һәм яңа проектлар өчен идеяләр табарга мөмкинлек бирде. Форум  безнең делегацияне газета эшендә яңа идеяләрне тормышка ашыруга илһамландырды.

Алган белем һәм тәэсирләр редакция сәясәтен камилләштерергә ярдәм итә: без цифрлы инструментларны активрак кулланырга, публикацияләрнең патриотик тематикасын тирәнәйтергә һәм үзара хезмәттәшлекне көчәйтергә ниятлибез.

#Медиафорум2026 #Медиайыйын2026 #CоюзжурналистовРБ