Бердәмлек һәм традицияләр рухында

Сессиядә Бәләбәй районыннан  хатын-кызлар советы рәисе Лилия Дутова чыгыш ясады.

Фикер алышу үзәгендә иң мөһим мәсьәләләр каралды:

• Русия халыкларының традицион мәдәни кыйммәтләрен һәм милли тәңгәллеген саклау;
• халык сәнгать кәсепләрен үстерү;
• балалар һәм яшьләр белән эшләүдә остазлыкның роле;
• үсеп килүче буынга патриотик һәм рухи әхлакый тәрбия бирү;
• тарихи хәтерне һәм буыннар күчә килешлегеген саклау.

Сессиядә катнашучылар үз төбәкләрендә проектларны гамәлгә ашыру тәҗрибәсе белән уртаклаштылар. Хезмәттәшлек һәм үзара хөрмәт халәте ил файдасына уртак эшләү өчен яңа идеяләр булдырырга мөмкинлек бирде.

Сессия Ишембайның  кызлар өчен ябык типтагы махсус укыту -тәрбия учреждениесендә – Русиядә шундый ике оешманың берсендә узды. Учреждение суд карары буенча 11 дән 18 яшькә кадәрге тәрбияләнүче кызларны кабул итә.

Лилия Дутова, муниципалитетның мәгариф идарәсе җитәкчесе урынбасары буларак, учреждениедә булудан алган тәэсирләре белән уртаклашты:

"Мине күргәннәрем бик нык дулкынландырды. Барысы да хәйран калдырды: киңлекнең идеаль чисталыгыннан  алып  гаҗәеп рәхәт аурага кадәр.

Биредә шартлар бик әйбәт: заманча сыйныфлар, ял итү зоналары, уйланылган көнкүреш – барысы да тәрбияләнүче кызлар турында кайгырту ны сөйли. Күренеп тора, биредә һәр детальгә күңелләрен салалар. Безнең илдә шундый мәктәпләр булуы белән горурлык тудыра!"

Чараның күңелле өлеше бүләкләү тантанасы булды. Лилия Дутова актив гражданлык позициясе һәм тарихи хәтерне саклауга, яшьләрне ватанпәрвәрлек һәм Ватанга тугрылык традицияләрендә тәрбияләүгә керткән өлеше өчен Русия хатын-кызлар берлегенең Мактау грамотасына лаек булды

"Бу бүләк – минем казанышым гына түгел, Бәләбәй районы хатын-кызлар советының эш нәтиҗәсе дә. Без балаларыбызның киләчәге өчен, безне бердәм халык итүче  кыйммәтләрне саклап калу өчен эшлибез. Хезмәтебезгә югары бәя биргәнегез өчен рәхмәт! Киләчәктә дә яшь буынны Ватанга мәхәббәт һәм гореф – гадәтләргә хөрмәт рухында тәрбияләү өчен кулдан килгәннең барысын да эшләячәкбез», - диде Лилия Мусиевна.

Регина Иванова әзерләде. Фотолар Л. Дутова архивыннан