Анновкада балаларга күңелле һәм кызык

Хәзерге балаларга да җәйне авылда үткәрү ошый. Мәсәлән, Бәләбәй районының Анновка авылында алар өчен авыл мәдәният йортында даими рәвештә кызыклы чаралар оештырыла.

Мәдәният йортының әйдәп баручы методисты Рузилә Сәхибгәрәева сөйли:

– Без балаларның җәйге ялын төрләндерергә тырышабыз, аларны төрле танып белү программаларына җәлеп итәбез. Чараларны урамда да, клубта да уздырабыз.

Балаларга логик фикерләүне, хәтерне, игътибарны һәм хәрәкәтләрне координацияләүне үстерүгә, спорт мәйданчыгында күңел ачуга юнәлдерелгән биремнәр һәм башваткычлар ошый.

Авыл тарихына багышланган программа зур уңыш белән үтте. Яшь анновкалылар  архив фоторәсемнәрен кызыксынып карадылар, бу фотолар төрле чорларда авыл тормышы турындагы истәлекләрне җанландырырга ярдәм итте. Балалар авылга кайчан нигез салынганын, аның ничек үзгәргәнен, авылның хәзер ничек яшәвен һ. б. белделәр.

Мондый әңгәмәләр туган як тарихы буенча белем биреп кенә калмый, буыннар бәйләнешен ныгыта, кече Ватанга мәхәббәт тәрбияли.

Чәчәкләр турында интерактив программа да аз кызыксыну уятты. Мин балаларга чәчәкләр, кешеләр кебек үк, шатлана, моңлана, игелек һәм рәхимсезлек тоя, алар безнең тормышыбызны бизи, эстетик ләззәт һәм уңай хис-кичерешләр бирә, дип сөйләргә тырыштым.

Шунысы сөендерә,  авыл кешеләренең  күбесе  йорт тирәләрен  чәчкәләргә күмә, ә балалар өлкәннәргә аларны карарга булыша.

«Җәй – ул кечкенә тормыш» дип юкка гына әйтмиләр…

«Актив озын гомер»төркеме өчен дә Анновка  мәдәният йортында очрашулар  еш оештырыла.

Любовь Иванова. Фотолар  Анновка мәдәният йортыннан.