Булачак табиблар ашыгыч ярдәм эше белән таныша

Визит барышында студентлар подстанция эшенең төп якларын өйрәнделәр. Фельдшер Гөлфия Захарова сменаны башлау тәртибе, чакыруларны кабул итү һәм бүлү процедурасы, шулай ук тутырырга тиешле документлар турында сөйләде. Подстанциядәге көнкүреш шартларына һәм ашыгыч ярдәм автомобильләрен җиһазлауга аерым игътибар бирелде: студентларга җиһазларны, шул исәптән дефибриллятор, носилкалар, йөрәк-үпкә реанимациясе җыелмасын һ.б. күрсәттеләр.

Экскурсия ашыгыч ярдәм хезмәтенең эш үзенчәлекләрен гамәлдә ничек тормышка ашыруны күрергә мөмкинлек бирде. Укучылар бердәм команда эшенең, инструкцияләрне төгәл үтәү һәм белгечләрнең шәхси җаваплылыгының әһәмиятен бәяли алдылар.

Подстанциядә булу нәтиҗәсе буенча студентлар сайлаган һөнәрләре белән кызыксынуларын расладылар, алынган практик тәҗрибәнең кыйммәтен билгеләделәр.

Алсу Фәизова әзерләде.