“Рәхәт”тә ике көн рәхәттә!

Фестивальнең төп юнәлеше булып, гадәттәгечә, чын сәнгать дәрәҗәсенә күтәрелгән мунча ялы тора, һәм нәкъ менә монда, әлеге мәйданчыкта, бүген илдә мунча эшенең иң яхшы остасының исемен атаячаклар.

- Бишенче ел бу искиткеч мәйданчык коллектив чабыну буенча Русия чемпионаты финалын кабул итә, һәм нәкъ менә бүген сезнең финалчыларыбызның матур чыгышын карау мөмкинлеге бар, алар төбәк һәм ярымфинал сайлап алуларын узды һәм бу вакыт эчендә алган бөтен осталыкларын хәзер сезгә күрсәтәчәк, — дип сәламләде җыелучыларны Евразия мунча федерациясе оештыру комитеты вәкиле, турнирның баш хөкемдары Екатерина Соловей.

Фестивальнең төп сәхнәсендә билгеләп үтелгәнчә, мунча культурасы инде тулы бер индустриягә, өлкән һәм яшь буынны берләштерүче сәламәтлек турында кайгыртуның мөһим элементына әверелде.

Исегезгә төшерәбез, фестиваль ике көн дәвамында, 25 һәм 26 июльдә узачак. Бәйрәмнең программасы бик бай: фотозона, конкурслар, конкурцияләр, спорт турнирлары, мастер-класслар каралган.