Гаделлек тантана итте

Җинаять схемасы гади, ләкин нәтиҗәле була: ул, килешүнең отышлы шартларын вәгъдә итеп, танышларын алдан түләргә күндерә. Әмма акча алганнан соң сатып алучылар товар да алмаган, акча да кире кайтарылмаган. Зыян күрүчеләрнең кайберләре хокук саклау органнарына алты елдан артык мөрәҗәгать итәргә батырчылык итмәгәннәр – гаделлек барыбер җиңәр дип өметләнгәннәр, яки мошенник җаваплылыктан кача алыр дип курыкканнар.

Узган ел хәлиткеч була: республиканың эчке эшләр органнарына зыян күрүчеләрдән берьюлы өч гариза килә. Полиция хезмәткәрләре оператив рәвештә эшкә алына. Кыска вакыт эчендә тәртип сакчылары шикләнелүченең кайда икәнлеген ачыклйлар һәм аны кулга алганнар. Җинаятьчене тоткарлауда Русия Эчке эшләр министрлыгының Бәләбәй районы буенча бүлеге хезмәткәрләре дә катнашкан. Тентү вакытында ир-аттан 7 кәрәзле телефон һәм 12 банк картасы тартып алганнар – бу әйберләр тикшерүдә мөһим дәлилләр булган.

БР буенча Эчке эшләр министрлыгы матбугат хезмәтендә хәбәр итүләренчә, гомумән алганда аферист гамәлләреннән бөтен республика буенча 16 кеше зыян күргән. Зыян суммасы якынча 5,5 миллион сум тәшкил иткән. Ир-атка мошенниклыкның 14 эпизоды буенча гаепләү белдергәннәр. Хәзер тикшерү тәмамланды,ә гаепләнүче сак астында.

Зыян күрүчеләр хокук саклаучылар эшенә битараф калмаган һәм Эчке эшләр министрлыгы адресына Рәхмәт хаты юллаган. «Полиция хезмәткәрләре профессиональлек, хезмәткә намуслы мөнәсәбәт күрсәттеләр, шәхси вакытлары белән исәпләшмичә, мошенникны фаш итү буенча эшләделәр", –  дип яза алар.

Регина Иванова әзерләде.