Бәләбәй районы десантчылары ВДВ көнен билгеләп үттеләр

Аннары ВДВ ветераннары автомобильләрдә "Ватанны саклаучыларга "мемориаль комплексына бардылар һәм ВДВ хөрмәтенә истәлекле корылмага чәчәкләр салудылар һәм  митинг уздырдылар.

Бәләбәй районы хакимияте  башлыгы Азат Сәхабиев, муниципаль район Советы рәисе Сергей Лущиц һәм ветераннар советы рәисе Александр Буйлов СВОда катнашучылар хөрмәтенә "Гранекс" җәмгыяте алып барган һәйкәл төзелешенең барышы белән таныштылар.

Муниципалитет җитәкчеләре Бәләбәйдән СВО зонасына гумконвой җибәрүдә катнаштылар.

Ике УАЗ автомобиле  җибәргәннәр, аларны Александр Пономарев, Зелюковлар гаиләсе һәм Александр Машнин биргән. Техника өчен запас частьләрне Морат Шәфыйков (Халык фронтыннан)  китергән. Авторезина, маскировка челтәрләре, коры ашлар, бал, гигиена чаралары һ. б. төягәннәр.

Йөкне СВО сугышчысы Андрей Федоров кабул иткән.

Приютта да тантаналы рәвештә ВДВ ветераннарын гына түгел, волонтерларны, мәктәп укучыларын, бистәдә яшәүчеләрне һәм кунакларны берләштергән десантчылар бәйрәме узды. Оештыручы – "Купол" һава-десант гаскәрләре хәрби тугандашлыгы.

Программа  бай булган: тантаналы өлеш, ВДВ хөрмәтенә куелган һәйкәлгә чәчәкләр һәм веноклар салу, спорт ярышлары, балалар өчен викторина, иҗат кешеләренең чыгышлары...

Волонтерлык эшчәнлеге һәм фронтка ярдәм итүләре өчен десантчылар Ринат Солтанов ("Доброволец тыла" медале), Альмир Сәйфуллин, Алексей Николаев һәм Данил Бирюков (хәрби частьтән "СВОга ярдәм иткән өчен" медале) бүләкләнгән. Бүләкләүне ВДВ гвардия подполковнигы Флюр Башаров үткәргән.

Дан паркында берничә сәгать җырлар тынмаган. Десантчылар шулай ук автоузыш оештырганнар.

Илебезнең иң яхшы егетләре янә үзләренең оешканлыгын һәм бердәмлеген күрсәттеләр.

Любовь Иванова әзерләде.

 Фотолар А. Сәхабиев битеннән ; волонтер А. Фәттаховадан.