Тыю Югары суд тарафыннан расланган

 Үсемлек калдыкларын контейнерларга чыгару – законны бозу. Югары инстанция суды көнкүреш контейнерларының бакча чүп-чарлары өчен түгеллеген раслады. Хокук бозучыларга штраф түләргә туры киләчәк.

Мөрәҗәгатьнең барлык нечкәлекләрен хөкүмәтнең 2025 елның 7 мартындагы 293 номерлы карарында расладылар. 36 нчы пунктның «в» төркемчәсендәге текстта әйтелә: үсемлек чүп-чарларын каты көнкүреш калдыклары мәйданчыкларына илтеп салу тыела.

Калдыкларны чыгару буенча төбәк операторы ассызыклый:"Суд бернинди яңа чикләүләр кертмәде, бары тик гамәлдәге тәртипне генә ныгытты". Утильләштерү кагыйдәләрен бозган өчен административ штрафлар каралган.

Сүз уңаеннан, быелның 1 сентябреннән ил законнарында гадәттәге көнкүреш чүп-чарлары белән бергә яшел калдыкларны утильләштерүне катгый тыю гамәлдә. 89-ФЗ номерлы Федераль закон фатирда әзерләү яки җыештыру вакытында барлыкка килгән нәрсәләр – каты коммуналь калдыклар дигән төшенчәләрне төгәл аера. Ә менә газон яки җимеш агачларын һәм куакларын кисүдән калган бөтен нәрсә андыйларга керми.

Исегездә тотыгыз: контейнер мәйданчыклары каты коммуналь калдыклар өчен генә. Ботаклар, агач калдыкларын һәм башка шундый калдыкларны контейнерларга тутырырга  яки  янәшә илеи ташларга ярамый.

 Үсемлек калдыкларын утильләштерүнең берничә гади һәм дөрес ысулы бар: участокта компостлаштыру; коры ботакларны һәм үсемлек калдыкларын яндыру (янгын хәвнфсезлеге таләпләрен төгәл үтәгәндә рөхсәт ителә); ботакларны ваклау һәм туфракны мульчировкалау өчен файдалану.

Бу таләпләрне үтәү – хакимиятнең теләге түгел, ә калдыклар белән цивилизацияле эш итүгә адым, нәтиҗәдә табигатьне дә, акчаны да саклау.

 Любовь Иванова әзерләде.
Фото газета архивыннан.