Бәләбәйдә вандализм: уртак әйбер читкә әйләнсә

Новаторлар бульварында (Әмиров ур.)  яңа “Шахмат”  арт-объектлары бер атна да тора алмады. Аларны алып ташларга туры килде: фонтан янын  гаилә ялы һәм интеллектуаль уеннар өчен урынга әйләндерү идеясе җимерелде.

Кызыл урамда 109 /1 нче йорт ишегалдында  балалар мәйданчыгындагы күренеш  тагын да аянычрак. Ул “Башкорт ихаталары” программасы кысаларында – ишегаллары уңайлырак, ә уеннар куркынычсызрак булсын өчен махсус балалар өчен җиһазландырылган иде. Хәзер җиһазларның бер өлеше ватылган, һәм мәйданчык балалар өчен хәвеф тудыра.

Шәһәр муниципалитетында мондый һәр очрак – бозылган объект кына түгел, дип ассызыклыйлар. Аның артында –  дистәләрчә кешеләр хезмәте, бюджет акчалары һәм шәһәр өчен яңа проектларга арнарга мөмкин булган вакыт.

Вандализмның һәр очрагы  артында “абстракт хулиганнар” түгел, ә чын кешеләр, еш кына яшүсмерләр тора. Һәм монда җәза бирү генә түгел, ә моның ни өчен эшләнгәнен ачыклау да мөһим.

Нәрсә ярдәм итә ала?

* Агарту һәм җәлеп итү. Бала төзекләндерүгә күпме көч һәм акча китүен аңлагач, мөнәсәбәт үзгәрә. Илдә яхшы практика бар – төзүчеләрдән һәм проектлаучылардан экскурсияләр, шәһәр объектының ничек барлыкка килүен бәян итү.

*Катнашу. Балалар һәм яшүсмерләр үзләре мохит булдыруда катнашкан проектлар (мәсәлән, кече формаларга рәсем ясау, мәйданчык элементларын сайлау, өмәләр) вәхшилек хәвефен киметә: үзеңнекен саклыйлар.

• Гаиләләр һәм мәктәпләр белән эшләү. Шәһәргә сакчыл мөнәсәбәт темасы өйдә дә, класс сәгатьләрендә дә җаваплылык тәрбияләүнең бер өлеше буларак яңгыравы мөһим.

Шәһәр – ул уртак йорт. Аның уңайлылыгын һәм куркынычсызлыгын саклау хакимиятнең генә түгел, ә безнең һәрберебезнең дә бурычы булып тора.

Әгәр сез шәһәр милкен бозу шаһиты булсагыз, бу хакта хакимияткә  яки хокук саклау органнарына хәбәр итегез.

Ә сез ничек уйлыйсыз, җәмәгать урыннарын  сакларга  тагын нәрсә ярдәм итәчәк? Комментарийларда фикерегез белән уртаклашыгыз.