Игенчеләр, икмәк язмышы сезнең хезмәтегезгә бәйле

Начар һава торышы Бәләбәй районында урып-җыю барышына үз төзәтмәләрен кертте. Яңгырлар кыр эшләре  темпын акрынайтты. Бүген район хуҗалыклары  бер үк вакытта мал  азыгы әзерләү, бөртекле культуралар җыю һәм көзге культуралар чәчү белән шөгыльләнәләр.

"19 августка 524 га көзге арыш һәм рапс чәчелде – бу әлегә планнан 4,5% тәшкил итә. 2027 ел уңышы өчен көзге культураларның гомуми мәйданы 11590 гектар",  – дигән мәгълүмат бирде район  хакимиятенең  авыл хуҗалыгы хезмәте.

Район игенчеләре көзге бөртекле культураларны урып-җыюны төгәллиләр: планлы мәйданның 97% ы чабылган. 17 685 тонна  ашлык сугылган, уңыш гектарыннан уртача  – 28,26 ц .

Сабан һәм кузаклы культураларны  урып-җыю бара: алар 1489 гектарда (планнан 11%) чабылган  һәм сугылган, 2694 тонна ашлык сугылган, уңыш гектарыннан  – 18 ц.

Җирдә хезмәт һәрвакыт катлаулы, ә мондый һава шартларында – бигрәк тә. Бүгенге басуларда тир түгеп эшләүчеләрнең барысына да рәхмәт: икмәк язмышы Сезнең эшегезгә бәйле! Төп бурыч – барлык уңышны югалтуларсыз җыеп алу.

Светлана Шириня

Елена ПЕтрова фотолары