Бәләбәйдә спорт туризмы буенча ярышлар узды

Дистанция бай һәм техник яктан катлаулы булган. Параллель култыксалар хәрәкәтләрнең төгәллеген һәм тигезләнеш тойгысын тикшергән.. Асылмалы кичү һәм вертикаль төшү напарниклар арасында рольләрне төгәл бүлүне таләп иткән. Горизонталь һәм вертикаль маятниклар – бүрәнә аша кичүләр – координация этабын өстиләр. Трассаны тау битеннән күтәрелү һәм төшү төгәлләгән, анда чыдамлык һәм баулар белән эшләү тизлеге хәлиткеч әһәмияткә ия булган.

Барсы да югары әзерлек дәрәҗәсен һәм ярышу характерын күрсәткән. Өлкән группада урыннар түбәндәгечә: беренче урында –  Шамил Мәҗитов һәм Әмирә Шаһапова. Көмеш – Руслан Ценев һәм Камилә Хәйбунасовада. Өченче урынны Ксения Шелудкова белән Алим Галисакаров бүлешкәннәр.

Кече төркемдә –  Елизавета Кудряшова һәм Любовь Яковлева чемпионнар. Икенче урынны София Стерехова һәм Дарья Земскова алганнар. Данияр Хәбибуллин белән Иван Тарасов бронза медальгә  лаек булган.

 Октябрьскийдан катнашучылар булуы ярышларга аеруча чәм өстәгән. Күршеләрнең килүе турнирны чын спорт диалогына әйләндергән: катнашучылар тактик алымнар, җиһазлар белән эшләү тәҗрибәсе белән уртаклашканнар һәм финишта бер-берсенә ярдәм иткәннәр. Оештыручылар барлык спортчыларның да югары әзерлек дәрәҗәсен билгеләп үткән һәм шәһәрара очрашулар күркәм традициягә әверелер дип өметләнәләр.

Турнир спорт туризмы буенча тренер-укытучы Максим Кудряшов җитәкчелегендә узды.

Регина Иванова әзерләде. «Чемпион» спорт  мәктәбе фотолары