Ваемсызлык бәясе

Бөредә муниципаль учреждение хезмәтне саклау нормаларын игътибарсыз калдыру аркасында җитди финанс нәтиҗәләре белән бәрелешкән.

Бөре шәһәренең “Төзекләндерү идарәсе» учреждениесе  Дәүләт хезмәт инспекциясе тарафыннан хезмәтне саклау таләпләрен бозган өчен 560 мең сумлык штрафлар рәвешендә административ җаваплылыкка тартылган.

2025 елның июнендә предприятиене төзекләндерү буенча 36 яшьлек эшче ботаклар  кискәндә озын - ике метрдан артык –  агачтан егылып төшкән. Зыян күрүчегә авыр җәрәхәт диагнозы куела. Өч айдан соң ул вафат була.

Тикшерү хезмәткәрнең бу эшне башкарырга тиеш булмавын күрсәткән. Кагыйдә бозулар ачык: белгечлеге, әзерлеге булмау, эшнең канәгатьләнерлек оештырылмавы (ботак нинди дә булса җайланмалар яки автовышка кулланмыйча киселгән).

Хезмәт  сагы таләпләрен бозган өчен эш бирүчене штраф рәвешендә административ җаваплылыкка тартканнар, ул аларны законда билгеләнгән срокларда түләмәгән.

Дәүләт хезмәт инспекциясе җитәкчесе Татьяна Астрелина ассызыклаганча: эш бирүченең мәсьәләне башкача хәл итү өчен вакыты да, законлы мөмкинлеге дә булган. Ләкин мөмкинлекне ычкындырганнар.

Бөре шәһәренең «Төзекләндерү идарәсе»  Дәүләт Хезмәт инспекциясенең алты административ штрафын түләмәгән өчен 1,1 миллион сумнан артык күләмдә штраф түләячәк.

Шул рәвешле, 560 мең сум урынына эш бирүче бюджетка 1,7 миллион сумга якын түләргә тиеш.

Нәтиҗә гади: производствода хәвефсезлек  — чыгымнарны кыскарту маддәсе түгел, ә зарурлык..

Светлана Шириня Әзерләде

Иске зиратны тәртипкә китерделәр

Көнчыгыш урамында урнашкан иске шәһәр зираты – бәләбәйлеләрнең күп гаиләләре өчен истәлекле урын. Шушы көннәрдә биредә экологик өмә уздырганнар. Инициаторлар һәм төп ярдәмчеләр –  битараф булмаган халык: алар бергәләп зиратта  тәртип урнаштырырга тырышканнар.

"Зиратларны җыештыру – тәртип урнаштыру гына түгел, якыннарын искә алырга килүчеләрнең хис-тойгыларына,  ата-бабаларыбыз истәлегенә, шәһәр тарихына хөрмәт күрсәтү. Сезнең хезмәтегез – изге урынның лаеклы йөзен саклауга мөһим өлеш кертү",  – диелә шәһәр биләмәсе хакимиятенең социаль челтәрләрдәге мөрәҗәгатендә.

Шәһәр хакимияте шәһәр халкының инициатив төркеменә һәм шәхсән Анна Владимировна Андреевага аерым рәхмәт белдерде.

Хакимияттә  мондый инициативалар халыкның туган шәһәрләренә карата битараф булмавын күрсәтә, һәм яхшы мисаллар калган шәһәр халкын да рухландырыр дигән өмет белдерә, дип өметләнәләр.

Светлана Шириня әзерләде