Маллар тук кышласын өчен

Мал азыгы әзерләү, һава торышы яхшы булганда, аграрийлар эшендә өстенлекле юнәлешләрнең берсе булып кала бирә. Кампаниянең уңышы күп факторларга, беренче чиратта, һава торышына бәйле. Авыл хезмәтчәннәре маллар тук кышласын өчен кулдан килгәннең барысын да эшлиләр.

Озакка сузылган яңгырлар азык әзерләүне беразга туктатып торды. 22 июльгә  булган мәгълүматларга караганда, хуҗалыкларда 15 000 тонна сенаж һәм 1 116 тонна печән әзерләнгән. Берничә хуҗалыкта: «Эконива» җәмгыяте,  К.Иванов исемендәге кооператив, В.В. Соловьевның, шулай ук А.А.Гришанинның     крестьян-фермер хуҗалыклары тәҗрибәсе киеренке сезонда эшләрне төгәл оештыруның гаять мөһим булуын күрсәтә.

Һава температурасы белән бергә аграр секторда хезмәт киеренкелеге градусы да күтәрелә. Чөнки азык әзерләү кампаниясе әкренләп урып-җыю кампаниясенә күчә. Аграрийлар терлекчелек тармагын алдагы кышлатуга  азык базасы белән тәэмин итү өчен уңай һава шартларыннан нәтиҗәле файдаланырга тырышалар.

Әмма, ирешелгән уңышларга карамастан, алда әле эш күп. Хәзер бер шартлы малга  15,2 азык берәмлеге туры килә (планда – 30 азык берәмлеге).

МР хакимиятенең  авыл хуҗалыгы хезмәтендә район хуҗалыклары киләсе кышка азыкны җитәрлек күләмдә әзерләячәгенә ышаналар. Август-сентябрь айларында силос культураларын җыясы һәм күпьеллык үләннәрне икенче кат чабып аласы бар әле.

Белгечләр әзерләнгән азыкның сыйфаты һәм күләме терлекчелекнең продуктлылыгына турыдан-туры йогынты ясавын сызык өстенә алалар. Яхшы азык базасы – югары савым, сәламәт маллар саны һәм хуҗалыкларның икътисадый тотрыклылыгы нигезе. Шуңа күрә хәзер аграрийларның төп бурычы – эш темпларын саклап калу һәм план күрсәткечләрен үтәү.

Светлана Шириня

Авыл хуҗалыгы хезмәте фотолары