Шаровкалылар – бердәм команда

Хуҗалык башлыгы күптән киптерү агрегаты әзерләп куйган, бу исә ашлыкны урында киптерергә мөмкинлек бирә.

 Валентин һәм Владимир Павловлар, Кирилл Гришанин –  оста комбайнчылар. Тракторчы һәм КамАЗ машинасын йөртүчеләр  – Вячеслав Фисенко, Константин Григорьев, Рәфис Гарипов басудан  ашлыкны үз вакытында хуҗалык амбарларына ташыйлар. Гришаниннарның  өлкән улы – Никита  чапкычка идарә итә. Менә шулай ир-егетләр  бергә үстерелгән икмәк уңышын  җыялар!

Уңыш җыю белән бер үк вакытта башка эшләр дә башкарыла.

Хуҗалык  башлыгы Алексей Гришанинга ярдәмгә һәрчак  хатыны Светлана ашыга –ул  үз командасы белән урып-җыюда эшләүче барлык ир-атларны кайнар төшке ашлар  белән тәэмин итә.

"Кайнар цех" хатын-кызлары: Надежда Маямсина, Евгения Павлова, Виктория Гришанина, Сусанна Иванова, Олеся Григорьева, Светлана Липовая, Татьяна Шкварчук кыр батырларын тәмле ризыклар белән басуга ук барып сыйлыйлар, аларның тырышлыгын хуплыйлар.

Коллективның бердәм булуы – ышанычның нигезе, димәк,  һава торышы  нинди булганда да  уңыш җыеп алыначак, хуҗалык уракны яхшы нәтиҗәләр белән тәмамлаячак.

Ильмира Ильина, Шаровка  авыл Советы авыл биләмәсе  хакимияте башлыгы

Фотолар хуҗалык архивыннан